Su Comunu de Barúmini fait isciri a totu is tzitadinas e tzitadinus interessaus ca at pubbricau su bandu po donai is contribbutus a integratzioni de su cànoni de pesoni a is sensus de s'art. 11 de sa Lei 421/98 po s'annu 2024.
Is destinatàrius de is contribbutus funt is chi tenint unu cuntratu de pesoni de edifítzius a usu residentziali de propriedadi privada chi s'agatant in su Comunu de Barúmini e ddu ócupant a títulu de domu printzipali o esclusivu.
Rechisitus po otenni is benefítzius
Residéntzia in s'anàgrafe de su Comunu de Barúmini, a su momentu de sa presentada de sa domanda.
Su cuntratu de pesoni depit:
- resurtai registrau e pertocai un’aposentamentu impreau cument'e domu chi currispundat cun sa residéntzia in s'anàgrafe de chini fait sa domanda;
- sussístiri candu benit presentada sa domanda;
- abarrai vàlidu totu su períodu chi pertocat su contribbutu oténniu.
Documentatzioni
- cópia de su documentu de identidadi bàlidu;
- cópia de su cuntratu de pesoni de s'edifítziu;
- recida de su pagamentu de s'imposta annuali de registratzioni chi pertocat s'úrtimu annu o su períodu intreu de balididadi de su cuntratu;
- cópia de s'atestatzioni ISEE;
- recida de is pagamentus de is cànonis de pesoni chi pertocant s'annualidadi 2023 in possessu a su momentu de sa domanda;
- (isceti po is tzitadinus extracomunitàrius) cópia de su permissu o carta de residéntzia donau a is sensus de su D.lgs. n° 286/98.
Po partetzipai e otenni su contribbutu tocat a cumpilai sa domanda in forma de dichiaratzioni sustitutiva a is sensus de su D.P.R. 28/12/2000 N° 445, impreendi isceti su módulu chi s'agatat in is Ufítzius Comunalis e in su situ internet istitutzionali (https://comune.barumini.ca.it/home) e dda intregai isceti cun sa PEC a s'indiritzu: protocollo.barumini@pec.comunas.it.
Is domandas depint arribbai a su Comunu intru e no pustis de sa una de merí de su 24 de su Mesi de Ladàmini; is chi lompint a pustis no ant a èssiri pigadas in cunsideru.
Agatais sa noba, su bandu, is inditus po fai sa domanda e su módulu in su situ de su Comunu de Barúmini a custu acàpiu:
***
SA MARMIDDA CHISTIONAT IN SARDU - Progetu finantziau cun su dinai de sa Regione Autònoma de Sardigna cunforma a sa L. 482/99 e a sa L.R. 22/2018.
.png)
