Oi, su 21 de Friaxu, est sa dí internatzionali de sa língua de bratzolu.
Custa data dd’at isceberada s’UNESCO in su 1999, e ant cumentzau a dda afestai s’annu a pustis, po favoressi s’impreu de sa língua mama e avalorai sa diversidadi linguística e culturali, e su multilinguismu. S’Assemblea Generali de s’ONU (Organizatzioni de is Natzionis Unidas) dd’at reconnota in su 2007; imbecis, su 2008 ddu at inditau coment’e s’annu internatzionali de is Línguas.
Ma poita, su 21 de Friaxu? Custa data particulari dd’ant isceberada po regordai ca in sa matessi dí, in su 1952, sa giustítzia de su Pakistan iat mortu is istudiantis chi fiant chescendisí po otenni su reconnoscimentu de sa língua insoru.
Assumancu oi, po afestai sa língua nosta (cun totu chi iat a èssiri bellu a circai de ddu fai dónnia dí), circaus de fueddai in Sardu!
SA MARMIDDA CHISTIONAT IN SARDU - Progetu finantziau cun su dinai de sa Regione Autònoma de Sardigna cunforma a sa L. 482/99 e a sa L.R. 22/2018.
.png)