Su 29 de Cabudanni 2024, de domigu, in Barúmini, s’at a tenni su de Seti Atóbius de motociclistas, chi ant cuncordau is de su Moto Club Nuragic Bikers cun sa ghia de su presidenti Lisandru Casula.
Totu is amantiosus de is “duas rodas” no biint s’ora ca sa dí, in Pratza Santa Luxia, in su tzentru de sa bidda, e in totu is bias a giru a giru, ant a podi ammirai centinas de motocicretas de dónnia genia, cilindradas e marcas, siat modellus nous e siat antigus, duncas motocicretas istóricas.
Una bella parada colorada, acumpangiada de s’arremóriu de is motoris, cun paraderis, logus aundi s’at a podi papai e bufai, ispetàculus cun dj set e música a biu, chi is Organizadoris isperant ca at a fai su matessi sutzessu, e fintzas mellus, de sa de s’annu passau, candu a s’atóbiu ant partetzipau prus de 700 motociclistas, chi funt aprobiaus in Barúmini de dónnia parti de s’ísula.
.png)
