Duas bortas sa cida, de is tres a is ses de a merí - Iscritzionis intru su 13 de Cabudanni 2024
S’Ufítziu Língua Sarda de su progetu “Sa Marmidda chistionat in Sardu”, cun s’agiudu de is Comunus de Barúmini, Biddanoa Franca, Is Pratzas, Gésturi e Setzu e Tuili (cabufila), fait isciri chi funt abertas is iscritzionis po partetzipai a su Cursu de formatzioni in Língua Sarda livellu basi, a indonu.
Is letzionis s'ant a fai in preséntzia, duas bortas sa cida, de is tres a is ses de a merí, finas a cumpriri is 30 oras prevídias; su calendàriu e sa sea de su cursu, in unu o prus de is Comunus, ant a èssiri comunicaus a pustis de ai arriciu assumancu 15 iscritzionis intru su 13 de Cabudanni 2024.
A s’acabbu, s’at a fai un’esàmini.
Po partetzipai bastat a cumpilai su módulu chi agatais acapiau a custu avisu e a ddu imbiai a sa posta eletrónica samarmiddachistionatsusardu@gmail.com.
Po informatzionis
- posta eletrónica: samarmiddachistionatsusardu@gmail.com
- telèfunu: 389 060 4873 (lun, mar, mér, cen 10:00 - 14:00)
- facebook: Sa Marmidda chistionat in Sardu
***
SA MARMIDDA CHISTIONAT IN SARDU - Progetu finantziau cun su dinai de sa Regione Autònoma de Sardigna cunforma a sa L. 482/99 e a sa L.R. 22/2018.
.png)
