Agiudus sotzialis po su trasportu in aparéchiu

Data di pubblicazione:
02 Settembre 2024

Agiudus sotzialis po su trasportu in aparéchiu

Su Comunu de Barúmini fait isciri a totu is tzitadinas e tzitadinus interessaus ca po mori de sa delíbbera G.R. n22/8 de su 28 de Làmpadas 2024 at annoau sa modalidadi e sa gestioni de su contribbutu aprovau cun sa delíbbera G.R. n. 44/15 de su 14 de Mesi de Idas 2023.

Benefitziàrius

S'agiudu ddu podint pediri totu is tzitadinas e tzitadinus residentis in Sardigna, chene distintzioni de edadi, po totu su períodu de isperimentazioni, de su 14 de Mesi de Idas de su 2023 a su 31 de su Mesi de Idas de su 2024.

Modalidadi de càrculu de su contribbutu

Sa modalidadi po carculai su contribbutu est sa chi est inditada in su paràgrafu 4 de su documentu acapiau a sa delíbbera 22/8.

Su contribbutu est oguali a su billetu pagau (tassas e ispesas inclúdias), po is chi ant pigau unu bolu de su 14 de Mesi de Idas 2023 a su 30 de Làmpadas 2024, a partiri de € 25,00 (biàgius de € 100,00 a € 125,00) finas a € 75,00 (biàgius de prus de €175,00); po is chi ant pigau unu bolu de su 1 de Argiolas 2024 e fintzas a su 31 de su Mesi de Idas 2024 su contribbutu est su 25% de su billetu po dónnia biàgiu e dónnia personi, po una ispesa oguali o prus arta de €100,00; po billetus ogualis o prus artus de € 500,00 imbecis su contribbutu est de € 125,00.

Iscadéntzia po sa presentatzioni de is domandas

Po pediri s'agiudu tocat a intregai sa domanda intru su 31 de Martzu de su 2025, po totus is biàgius fatus in su períodu de isperimentazioni, e duncas de su 14 de Mesi de Idas de su 2023 a su 31 de su Mesi de Idas de su 2024. S'iscadéntzia de sa domanda, duncas, no est acapiada a sa data de su bolu.

Términis de integratzioni de is domandas

Si serbit a aciungi càncua cosa a sa domanda, ddoi at 30 diis de sa data de sa domanda de integratzioni; a pustis sa domanda at a èssiri refudada po decurréntzia de is términis.

Tocat a intregai sa domanda in su situ internet de Sardegna Trasporti: