Comune di Barumini

S'Ufítziu Língua Sarda de su progetu "Sa Marmidda chistionat in Sardu", cun s'agiudu de is Comunus de

• Comune di Barumini
• Comune di Gesturi
• Comune di Las Plassas
• Comune Di Tuili
• Comune di Setzu
• Comune di Villanovafranca

iat a bolli apariciai unu calendàriu cun retzetas típicas de su logu, duas dónnia Comunu.

Duncas, chi si boleis agiudai a fai custa regorta, e biveis in una de is biddas de su progetu, podeis imbiai is retzetas:

• a s'indiritzu e-mail:

samarmiddachistionatsusardu@gmail.com

• cun unu messàgiu privau a custa pàgina facebook:

Sa Marmidda chistionat in sardu: https://www.facebook.com/samarmiddachistionatinsardu

• o podeis tzerriai a su telèfunu:

389 060 4873 (lun, mar, mér, cen » 10:00 - 12:00).

Po sa retzeta, est mellus a sighiri custa trassa:

• Fotografias de su pratu, prontu a papai (un'imàgini, o de prus puru si serbint po fai biri mellus cumenti tocat a aprontai totu)
• Gradu de dificurtadi (fàtzili, médiu, difítzili)
• Tempus (aprontamentu, coidura e aici sighendi)
• Ita serbit (ingredientis e ainas)
• Cumenti si fait (totu is passàgius, ispricaus beni)
• Binu de allobai (e ita fadeus? no si dda bufaus una bella tassa de binu bonu po nci calai s'unconi? 😁)
• Su nómini de chini dda imbiat (ddu eus a ponni in su calendàriu)

Est craru chi podeis iscriri in sardu (si ddoi at faddinas, gei ddas eus a curregi nosu) o in italianu (e intzandus eus a fai nosu sa bortadura).

Tocai isceti!

***

SA MARMIDDA CHISTIONAT IN SARDU - Progetu finantziau cun su dinai de sa Regione Autònoma de Sardigna cunforma a sa L. 482/99 e a sa L.R. 22/2018.