Sa Sardigna si ponit impari a s’Úmbria po mori de is bellesas de s’istória insoru. Un’istória chi est atesu, ma isceti in is cartinas geogràficas, poita est s’archeologia chi ddas acapiat.
Tenit a títulu “La magia degli amuleti. Umbria e Sardegna vicine o lontane? Collezionismo e archeologia” (“Sa maxia de is pungas. Úmbria e Sardigna acanta o atesu? Fai arregortas e archeologia”) e est s’úrtimu ammostu chi at cuncordau sa Fundatzioni Barúmini Sistema Cultura in su Tzentru “Giovanni Lilliu” gràtzias a s’agiudu de su Museu Archeológicu Natzionali de s’Úmbria e a sa Subrintendéntzia Archeológica Artis bellas e Paesàgiu de sa Tzitadi Metropolitana de Casteddu e is Províntzias de Aristanis e Sud Sardigna, cun s’amparu de su Comunu de Barúmini, de sa Subrintendéntzia Archeológica Artis bellas e Paesàgiu de s’Úmbria, sa Diretzioni Regionali de is Museus Úmbria, s’Antiquarium Arborense e sa Bibblioteca Universitària de Casteddu.
SA MARMIDDA CHISTIONAT IN SARDU - Progetu finantziau cun su dinai de sa Regione Autònoma de Sardigna cunforma a sa L. 482/99 e a sa L.R. 22/2018.