Torrat a cumentzai sa série de cunferéntzias chi tenit a títulu “Incontri culturali a Barumini” (“Atóbius culturalis in Barúmini”), unu momentu de grandu importu po chistionai de manera funguda in pitzus de chistionis chi pertocant s’archeologia, s’istória e sa cultura de sa Sardigna de s’Edadi Nuràgica.
In su Tzentru “Giovanni Lilliu”, de su 16 de Friaxu, cuatru atóbius a incuru de figuras de importu manu de su panorama istóricu-istitutzionali sardu, impari a rapresentantis de su mundu archeológicu isolanu.
Su primu atóbiu, cenàbara su 16 de Friaxu, a is cincu e cuartu de a merí (17:15), cun sa cunferéntzia chi tenit a títulu “Recenti indagini archeologiche tra Trexenta e Marmilla” a incuru de Gianfranca Salis (Subrintendéntzia Archeológica Artis bellas e Paesàgiu de sa Tzitadi Metropolitana de Casteddu e is Províntzias de Aristanis e Sud Sardigna). Sighit su de cenàbara 23 de Friaxu, a is cincu e cuartu de a merí (17:15), chi tenit a títulu “Rappresentazione cartografica del territorio di Barumini ed evoluzione del paesaggio naturale” a incuru de Antonio Fadda e Sergio Vacca. A sighiri, cenàbara su 8 de Martzu , a is cincu e cuartu de a merí (17:15), s’atóbiu dedicau a “La Marmidda in Età Bizantina” cun s’interventu de Marco Muresu. Serrat sa série de atóbius, cenàbara su 22 de Martzu, a is cincu e cuartu de a merí (17:15), sa cunferéntzia “Problematiche e punti fermi della cronologia nuragica” a incuru de Maria Rosaria Manunza.
A is cunferéntzias, mancai siant cuncordadas aintru de su percursu de formatzioni de su personali de sa Fundatzioni, podint partetzipai totus, ca funt a indonu.
Totu is inditus in su situ: http://www.fondazionebarumini.it/it/
SA MARMIDDA CHISTIONAT IN SARDU - Progetu finantziau cun su dinai de sa Regione Autònoma de Sardigna cunforma a sa L. 482/99 e a sa L.R. 22/2018.
.png)
